شرح مغامره جويه 🤔
#جديد_فى_الفاميلى_فارم
شرح مغامره جويه
ميزه جديده فى الفاميلى تفتح فى المستوى 20 وهتلاقى مكانها فى الشمال خارج المزرعه وفيه صوره ليها تحت وهى عباره عن غيوم وراء كل غيمه ممكن تلاقى مكافأه او جايزه واول اللعب معاك 6 قلوب وكل غيمه بتدوس عليها بتخصم قلب وكل يوم ليك 4 قلوب وبعد ما تخلص الغيوم هتوصل للمخرج اللى هو السهم اللى باصص لفوق ولما تدوس عليه هتروح للمستوى التالى ولما توصل لمستويات معينه هتاخد المكافأت اللى هيا علي اليمين اللى هيا رسمه جايزه ومكتوب جمبها المستوى والهديا اللى هتاخدها اول ما توصل للمستوى المطلوب
وتحت الغيوم ممكن تلاقى قلوب او نقود المهمه ودى بتقدر تشترى بيها من متجر المهمه او صندوق او حيوانات مصابه ولو ساعدتها هتخصم منك قلب وهتديلك مفتاح ولو معاك الصندوق والمفتاح بتدوس فتح وبتاخد جوايز جميله وممكن كمان تلاقى صاروخ وتقدر تفتح 2سحب او غيمه بخصم قلب واحد او المصباح وده بيظهرلك الجوايز اللى تحت الغيوم بس الصاروخ والمصباح ليهم وقت معين وبعد كده بيختفو.
ليست هناك تعليقات